Somos um grupo de compostelanas e compostelanos decididos a fazer activismo cultural na nossa cidade e comarca. A língua e cultura galegas, a vontade de aprender, de difundir e recuperar os nossos costumes, a nossa história, a nossa música... som os nossos eixos de trabalho.

A Troita pretende construir unha nova orde social gastrónomica. Dende que empezou a súa actividade van pasando moitos anos xa. Ao longo deste tempo moitas persoas fomos as que compartimos o noso tempo, ilusións, ledicias, ansias… Eiqui vos deixamos unha mostra do que somos: unha asociación aberta que se nutre do esforzo das  persoas socias, xuntante connosco… invitámosche a xantar (o primeiro dia, claro)

O Centro Social Autoxestionado do Sar é un proxecto que nace da vontade de dotar á cidade de Compostela dun espazo aberto para uso da veciñanza e os movementos sociais de Compostela. Un espazo, así mesmo, onde teña cabida a cultura e o lecer alternativos.

O funcionamento do centro social é asembleario e autoxestionado: o espazo organízase mediante unha asemblea aberta na que participan os diferentes colectivos da casa e persoas que acuden a titulo individual.

O centro finánciase coas doacións que recibe da xente que fai uso del, que son destinadas integramente á mellora e mantemento do espazo.

Asi mesmo as actividades deberán ser abertas, non lucrativas e ter unha finalidade social. Se queredes organizar algunha actividade vinde á asemblea ou escribídenos un mail.

Animádevos a participar na construcción dun espazo de tod@s para tod@s!

Desde o ano 2011 o antigo local da agrupación folclórica Cantigas e Agarimos sito na Rua da Algalia de Riba 11 permaneceu fechado. Un grupo de persoas da cidade decidiomos reabrir este espazo para o enchermos de vida e de cultura, porque cremos que a cultura non debe permanecer fechada. Para reabrirmos, non contamos só con razóns culturais do noso lado, hai moitas outras. Esta acción non deixa de ser unha protesta contra a as elites sociais: políticos corruptos, construtores e grandes empresarios que mandan máis que estes últimos, unha policía que os defende a todos e unha xustiza que os ampara.

Xandobela é unha iniciativa de Educación Non-Formal e Dinamización Sociocultural nada no 2005 en Compostela, con vocación universal radicada na realidade galega. Traballamos os vellos eidos da cultura e da relación entre as persoas, favorecendo a actitude integradora, creativa e lúdica. Somos persoas educadas no asociacionismo galego, con experiencia no traballo sociocultural voluntario en distintos colectivos e programas e con ampla formación en Pedagoxía, Educación Social, Animación Sociocultural e Dirección de Actividades de Lecer e Tempo Libre.